Црвенчани нїзаю победи

Футболери Црвенки покрачели зоз переможним шором у Сомборскей окружней лиги. Штверте коло шампіонату – штверта победа. Црвенчани як гостє перемогли Славию у Пивницох з 4:2. Гоч домашнїк першо повели, футболери Црвенки з голами Йована Радмановича и Ивича обернули резултат и з предношцу 2:1 одходзело ше на починок. У другей часци домашнї доходя до виришаня, але з голами Йововича и Керекеша Црвенка записала и штверту победу. Победу однєсли и футболери Гайдук юниора, котри пред своїма навиячами перемогли дружину Будучносци з Младенова з 3:0. И тоту стреча указала, кельо капитен Душан Даноєвич значи за дружину Гайдук юниора. По першім полочашу без голох, Даноєвич у другей часци найпрвей асистовал Куличу за водзаци гол, потом з вольного удару зоз „евро голом“ звекшал предносц на 2:0, а зоз своїм другим, и трецим голом Гайдука, поставел точку на стречи. У сусїдским дербию, одграним у Крушчичу, футболери Младосци перемогли дружину Борца з Бачкого Грачаца з 2:0. Дошло до виражаю искуство Предрага Кишюхаса, котри зоз двома голами донєсол победу своїй дружини. Драгу, первую шампіонатну победу здобели футболери Русина, котри у Руским Крстуре перемогли дружину Герцеговца з Гайдобри з 6:1. Чтире голи за Русин пострелєл Срджан Джуканович, а два Александер Чизмар. Футболери Липара на гостованю у першого Станишича преграли з 3:1. Гол за Липар пострелєл Банович. Розчаровали футболери Кули, котри у дербию з дна таблици, пред своїма присталицами на Гедеру преграли од ЖАК-а з Сомбора з 2:1, гоч повели з голом Жарича. Црвенка тераз друга на таблици зоз вима 12 бодами, Гайдук юниор четверти, а Младосц з Крушчича шеста з 7, Липар девети з 5, Русин шторнаести з 3, док Кула остатня – без бодох. У будуцим колу нас чека обштински дерби: у Липаре ше стреча Липар и Кула, Црвенка приявя дружину Стари град з Бачкей Паланки, Гайдук юниор иде на гостованє до Герцеговца у Гайдобрe, Русин гостує у Борца у Бачким Грачацу, а Младосц з Крушчича будзе у Бачкей Паланки грац проти дружини Крила Країне.

У другім колу першенства у Сомборскей медзиопштинскей лиги перши клас фудбалєри Полєта зо Сивца на гостованю у Деронях преважели дружину Омладинца зо 3:0. Полчас бул закончени без голох, а потим з голами Ромича и Стефана Комазеца, котри бул двойни стрелац, Полєт пришол по бодох. По двох колох Полєт є треци на таблї зо 4 бодом, а у наступним колу дома прийма Єдинство з Рибарева.

Почало ше першенство у Сомборскей медзиопштинскей лиги други розряд, у котрей ше з нашeй општини змага КФК. Куляни у першім колу здобули бод, бо у Лаличу з Панонийов грали нєриешено 3:3. У другим колу першенства КФК у Кули дочекує екипу Ґраничара з Ридзице.

Ђ.Боянич