Црвенчани наконец заграли и победзели

Рукометари Црвенки су у 6. коле првенства у Супер Б лиги пред своїма навиячами победзели до того кола водзацу Кикинду з 31:30, получас 17:17. Велично одограли вибрани Радосава Ковачевича проти лидера, та су на штредку першого получасу мали и 4 голи предносци ( 12:8 и 14:10), алє Кикинчани успивали доходзиц ту предносц, та змаганє було ришене у пошлєдней минуте, кед наймладши у составу Црвенки Бранко Предович забил свой єдинї, а як ше показало, победносни гол. У екипи Црвенки стриляли Жегарац з 11, Драгиша Рачич з 9, Ивич 6, Швельо 4 и, як уж повели, Предович єден. Црвенка є шеста на табели з 6 бодами, а у насамошнїм коле иде до гостох Инђиї.

У седмим колу прволигашкого рукометного першенства успих наших представнїкох. Сивац 69 просто рознєл Црвену звизду з Мокрина, победзиц ю з 15 голами розлики 42:27, а блискал искушни Витомир Калич, хтори постигол аж 16 голи. Попри нєго ефикасносцу ше вирисовал и Марко Чабаи, хтори постигол 9 голи. Сивац 69 є други на таблици з 11 бодами, а у наступуюцим колу идзе на гостованє до Банатского Карловца.

За стопами сивацких рукометашох ишли и црвенски рукометашки. Наиме, у 7. колу прволигового чемпионату дружство Лаки у Црвенки победзело Деронє з 35:25. Сандра Ловре и Драгана Димитрић з по 9 голами були найефективнши у дружстве Лаки, котре є шицураз четверте на табли з 8 бодами, а у приходнім колу дома прийма дружство Радничкого з Баймока.

У тринадцатей колє првенства у Сомборскей окружней лиги слабей биланс наших представнїкох, котри з 18 можливих здобули лем штири бодзики. Гайдук јуниор пред своїма навиячами победзел Славию з Пивнїцох з 2:0. Голи за Гайдук јуниор постигли Милан Янић и капитен Душан Данойевич з пенала. Бодзик здобули футболери Русина, котри у Руским Крстуре з екипом Стари град з Бачкей Паланки грали нєрешено 1:1. Гол за Русин постигол Александр Чизмар. Остатнї наши представнїки преграли. Црвенка, котра друга на табли, на гостованю у Бачкей Паланки преграла од екипи Крила Країни з 2:1, Младосц у Крушчичу преграла од ведущого Станишича 3:0, Липар у Парагох преграл од Будучносци з 3:0, док Кула у Гайдобри, у стречи з послєдньом екипом Херцеговцем, преграла з резултатом 3:1. Црвенка и далєй друга на табли з 29 бодзиками, Гайдук јуниор треци з 27, Русин дзесяти, а Липар єденадзати з по 16, Кула дванацата з 13, а Младосц штирнадзата з 8 бодзиками. У насамошнєй колє на програму општински дерби: у Липаре стречаце ше Липар и Младосц з Крушчича, Црвенка домаци сомборски ЖАК, Кула домацин Славиї з Пивнїцох, Гайдук јуниор гостує у Бачкей Паланки, дзе ше стреча з Старим Градом, док Русин гост ведущого Станишича.

У десятим колу чемпионату у Сомборскей медзиопштинскей лиги перши розряд, у комшийским дерби у Кляяичеву домащи Кордун и Полет з Сивца подзелєли боди, граючи без голох. Полет є други на табли з 23 бодами, а у приходнім колу дома прийма Партизан з Купусини.

Футбалери кулского футбалского клуба КФК ше неславно розлущели зоз єсенїм диєлом чемпионату у Сомборскей медзиопштинскей лиги други розряд. КФК пред своїми навиячами програл од Спорта з Бездану з 5:0, и єсенї диєл чемпионату закончили на седмей позициї з 13 бодами.

У шесцим колє пренства у Првей лиги за жени футболерки Полета з Сивца записали першу поразку. Сивчанки на своїм терену програли дружству Лавице Дубочица з Лесковца з 2:1. Гол за Сивчанки дала Безбрадица. Футболерки Полета су штварте на табели з 7 бодох, а у наступним колє иду на гостованє до водзачого дружства Шумадия 1903 у Крагуєвац.

Приємно изненадзели футсалери Клуба малей копачки Гайдук, котри у 6. колу чемпионату у Футсал лиги Войводини на гостованю у Новим Садзе победзели дружство Танго з 4:1. Футсалери Гайдука су осми на табли з 6 бодами, а у приходнім колу дома приймаю водячу Круну з Нового Саду.

Кошаркаре Хайдука наставели победнїцки низ, записавши и пету победу за собу. Наиме, у шесцим колу першенства у Првой српскей лиги кошаркаре Хайдука на гостованю у Новим Бечею победзели екипу Єдинства з 90:69. Куляни, як ше указало, здобули недосяжну предносц у першой полчасовки, котру виграли з 52:36. Кошаркаре Хайдука подзелую першу позицию на табели з билансом пятьох победох и єдного пораза, а у приходзецим колу у комшиївским дербию ше стретаю з Врбасом. Та сретнуца мала була биц одограна у Кули, алє пошто дворана у основней школи Петőфи бриґада будзе занята изложбу дрібних животинкох и домашних любимцох, сретнуцу у пяток одограю у Врбасу.

У шостим коле првенства у Другей сербскей лиги кошаркаре Сивца як домашнїки победзели Тису з Бечея з 101:69, а кошаркаре Црвенки на гостованю у Новим Садзе програли од Будущносци з 100:64. Кошаркаре Сивца су други на табели з пейц победами и єдним поразом, кедз Црвенка пошлїдня з 6 поразами. У насамошнїм коле кошаркаре Сивца идза до гостох Слободзе у Нови Сад, а Црвенка домаци екипу Карађорђево з Банатского Карађорђева.

Одбойкарки Гайдука записали и трецу по реду поразу у Првей войводинскей лиги. Млади Кулянки пред своїма присталцами, у комшиским окршаю, програли Врбасу з 3:0, у сетох 23:25, 22:25 и 13:25. Одбойкарки Гайдука последнї на таблїци без здободзеного бода, а у наступним колу ше стрета зоз Спартаком зоз Суботици.

У 9. колу првенства у Првей войводинскей лиги кугляши Гайдука на гостованю у Бачкей Паланки програли Тикваре з 6:2 у поєнох, односно 3194:3055 у повалених кеглох. Найвреднєйши резултат у дружстве Гайдука отримал Марко Еракович з повалених 557 кеглох. Кугляши Гайдука су треци на таблїци з 10 бодами, а у наступним колу дочекую дружство Срема зоз Сремскей Митровици.

Ђ.Боянич