Багати шпортски викенд

У 14. колу першолигашкого рукометного першенства, наши члени у мушкей конкуренциї гостюю. Другопоставена Црвенка идзе на гостованє Срему до Сремскей Митровици. З поразом у дербию проти Кикинди Црвенчани страцили шицки шанси же би ше врацили до супер лиги, та питање з яким мотивом пойду до мегдану зоз Сремцами. Стретнуце рукометашох Срема и Црвенки у Сремскей Митровици будзе завтра, а зачне ше о 17 годзини и 30 минутох. Сивац 69 гостує у Ябуки, дзе ше стретне зоз истоимену дружину. Сивчани зоз поразом пред своїма навиячами закомплєтали собе живот и пред нїма є жорстока борба за опстанок. И Ябуки гори под ногами, та ше очекує занимлїви дуел. Стретнуце Ябука – Сивац 69 будзе у Ябуки одогране завтра, а зачне ше о 20 годзини. Наша єдина представителька у першолигашкей конкуренциї рукометна дружина Лаки у Црвенки отримує Словен зоз Руми. Црвенчанки тото яр наново записали двоє победох за собу, обидви на гостованю, та є розумице же обявую триумф и пред своїма сторонниками. Стретнуце Лаки – Словен зоз Руми будзе у црвенчанскей гали одогране завтра, а зачне ше о 18 годзини.

Футбалски актуелносци

Того викенда на програму 17. коло шампионату у Подручней лиги Сомбор. Од наших пейци представнїкох штири су домацини. Та же завтра Младосц у Крушчичу, у суседским дербию, дочека екипу Борца з Бачкого Грачца. Борац є на последнїм месце и вшитко окрем победы Младосци бул би препадованє. Сивацки Полет будзе так само завтра на своїм терену гостиц екипу Херцеговца з Гайдобри. Сивчани муша победзиц, кед же хочу долапиц приклоп у бою за опстанок. Липар будзе у недзелю пред своїма прихильнїками гостиц друге место займаюци БСК з Бачкого Брестовца, Русин будзе у Руского Крстуру дочекац Славию з Пивницох, а Гайдук юниор идзе до Бачкей Паланки, дзе змери сили з екипу Крила Країни. Вшитки тоту стречаня зачну о 14 годзини и 30 минути.

Того викенду зачина весенї часц првенства у Сомборскей медзиопштинскей лиги першого розреду. Другопоставена Црвенка завтра дочека последнєпоставеного Граничара з Гакова и найавює сигурну победу, а Кула у нєдзелю иде гостєм до Дунава у Бачким Моноштору. И тоти стречаня зачну ше у 14 годзини и 30 минути.

У 11. колу Другої футсал лиги ґрупа Войводина Клуб малей футболки Гайдук у недїлю отримує дружину Викинга з Руми. Куляни буду грац ослабени, бо Четкович муши паузовац кедз картона. Стретнуце футсалерох Гайдука и Викинга з Руми будзе у гали школи Петефи одогране у недїлю, а зачне ше о 21 годзини.

Кед говориме о футболу, спомянїме и то, же любительом футболу у Кули того викенду будзе можлїве позерац прволигашки матч. Прволигаш ОФК Оџаци, бо терен у Оџаках суспендовани, свой шамионатски матч проти Ягодини будзе грац завтра на стадиону у Кули. Оџачаном победа вельо потрeбна у бою за остаток у лиги, та волаю любительох футболу, же би пришли у чим векшим числу и помогли им. Матч ОФК Оџаци – Ягодина на стадиону у Кули завтра зачне о 14 годзини и 30 минутох, а входница кошта 200 динари.

Наслїдую новости з кошарки

У 21. колу првенства у Првей србскей лиги кошаркаре Гайдука у Кули дочекаю екипу Академика з Србобрану. Гости су другопоставена екипа на табели, ище шицки у трки за першим местом, Куляни граю пред своїма присталицами и то тому стречаню дава потребну дозу нєизвесносци. Стречанє кошаркарох Гайдука и Академика з Србобрану будзе у гали основней школи Петефи бригада у Кули одогране у нєдзелю, а зачне ше у 18 годзини. Наш другий представитель на тим степеню змаганя, кошаркаре Црвенки, вецерас гостую у Бачкей Тополи, дзе ше од 17 годзини стрета з Тополу. Домаци фаворит.

У 21. колу шампионату у Другей сербскей лиги кошаркаре Сивца дочекаваю ведущу екипу Младосц Ветерник. Тото стречанє у гали основней школи Петефи бригада у Кули будзе одогране у нєдзелю, а зачне о 13 годзини.

Одбойкарки Гайдуку у 14. колє пренства у Првей войводянскей лиги ґрупа запад прийму бачкополску Сутьєску. Тота одбойкарска стреча будзе у дворанї основней школи Петефи бригада одограна завтра, а зачне ше у 16 годзини и 30 минутох.

И вишц з кеглянґа

У 19. колє првенства у Першей войводинскей лиги кугляри Гайдука завтра гостюю у Голубинцох, дзе од 16 годзини ше стретаю з водячим на таблици Ядраном.