Багати шпортски викенд

Минули спортови викенд обелєжели наши мушки рукометни колективи Сивац 69 и Црвенка, котри у 4. коле першолигашкого шампионату записали победу, и кед грали на гостуюцих теренох. Црвенка у Мокрине победзела Црвену звезду з резултатом 24:20. Вибраники Радосава Ковачевича дошли до победи з лєпшу гру на концови утриманя, кед з резултату 15:15 у 42. минути, за 8 минути зробели серию 5:0, повели з недостижних 20:15, а потом рутински ховали предносц и так здобули драгоцени бодови. Найефикаснєйши у редох Црвенки бул Драгиша Рачич з 9 голами. Сивац 69 на гостованю у Вршаце победзел Младосц з резултатом 29:28. Окремно драматично було на концови утриманя, кед у 59. минути голом Фуртули рукометари Сивца повели з 28:26. У остатнєй минути домаци зровнали, а гоч Сивца Беслач голом, котри дал пару секунди пред концом, обезпечел победу свойому дружству. Беслач бул и найлєпши стрелац Сивца з 6 голами. Црвенка є шицей на таблици з 6, а Сивац 69 є шести з 5 бодами. У наступним коле Црвенка дома прийма ЖСК з Жабля, а Сивац 69 є домац Гергевини з Сечня.

Десете коло првенства у Сомборскей подручноей лиги обелєжели два општински дерби. У Крушчичу домашня Младосц победела дружтво Липара з 4:3, а стретнуце обелєжил нападнїк Младоши Срђан Йович, котри дал три голи. Єден гол за Младосц дал и Кирти, а за Липар голи дали Марчетич, Пеянович и Лазич. У другим општинским дерби у Сивцу Русин з Руского Керстура победел домашнїх Полет з 3:1. За Русин голи дали Чизмар, Орос и Будински, а почесни гол за Полет дал Боснич. Наш пейти представител Гайдук јуниор пред своїма навиячами победел дружтво Борца з Бачкого Грачца з 4:2. За Гайдук јуниор голи дали Вуёвич, Ланџужанин, Давидович и Янич. По тим колу Гайдук јуниор други на табели з 24 бодами, Младосц пета з 17, Русин шести з 15, Липар осми з 14 и Полет штернасти з 5 бодами. У наступающим колу на програму нови општински дерби. У Липару ше стретну Липар и Гайдук јуниор. Младосц з Крушчича иде гостём водећей Младоши до Бачкого Петровца, Русин у Руском Керстуру прицагує ОФК Шикару, а сивачки Полет иде гостём дружтву Крила Крајини до Бачкей Паланки.

Успишни були наши представителє у Сомборскей медзиопштинскей лиги першого розреду. У 8. колу першенства ведуца Црвенка на гостованю у Бачком Моноштору победзела «Дунав» з 2:1, а Кула на Ґедеру убедлїво з 8:0 победзела «Граничара» з Ридзице. Црвенка и далєй водзи на табели з 21 бодом, а Кула є штварта з 16. У 9. колу Црвенка приявя екипу Станишича, а Кула идзе на гостованє до «Радничкого» у Раткову.

У 8. колу першенства у Сомборскей медзиопштинскей лиги други розряд Кулски футболски клуб КФК на гостованю у Лаличу победжел Панонию з 2:1. КФК є теперь шести на таблици з 11 бодами, а у наступним колу принїма Динамо з Сонти.

У другей части першенства у Другей футсал лиги Сербиї – ґрупа Войводина, Клуб малей копанкарскей лопти Гайдук на гостованю у Руми програл од Викинґа з 5:2. Куляни так записали и другу по порядку поразу, а у третей части дочекають дружину Форума з Вршца.

У 3. колу првенства у Першей србскей лиги обидва кошаркарски дружтва з кулскей општини були нєуспешни. Кошаркаре з Червенки пред своїма навиячами програли Академику з Србобрану з 98:66, по полочасу 57:27 за Србобранцох, док кошаркаре Гайдука на гостованю у Житишту програли дружтву Свети Дьордзе з 101:74, по полочасу 58:32 за домашних. Кошаркаре Гайдука з єдним виграшом и двома програшами девяти на табели, док кошаркаре з Червенки з трома нєуспехами остатнї. У штвартим колу кошаркаре Гайдука гостую у Инђиї, дзе ше стретну з Железничаром, а Червенка иде гостём до Новей Пазови.

Кегляри Гайдука у 7. колї першенства у Першей войводянскей лиги на гостйованю у Голубинцох програли Желєзничару з Инґиї з 7:1 у поенох, односно 3257:3222 у звалєних кегльох. Єдини поен Гайдукови принєсол Велимир Йокович, хтори звалєл 565 кеглї. Кегляри Гайдука тераз пети на таблїци з 9 бодами, а у насамашнїм колу дома привитую водеци Ядран з Голубинцох.