Активносци наших спортистох предстоєци викенд

Спортова подїя хтора обелєжи викенд то традицийни гандбалски мемориялни турнир „Драго Йовович“, хтори Гандбалски клуб Врбас организує на чест своєй гравецкей легенди Драга Йовововича. Мемориял, на котрим кромє домацей екипи Врбаса наступую и Гандбалски клуб Црвенка, за хтори бої бранєл легендарни Драго Йовович, як и Югович з Кача и суботицки Спартак, почина днесь. У першому сусрити, од 17 годзини, зойду ше Црвенка и Югович, а по них Врбас и Спартак. Виграшове тих дуелох зутра буду грац за перше место, а поражени за треце место на тим престижним турниру, хтори уєдно и генерална проба пред початком ярней часци першенства. Гандбалєри Сивца, наш друге представнїцтво у Супер Б лиги, зутра у Апатине участвую на 14. по шорни мемориялним турниру „Неманя Стамболия“, хтори Гандбалски клуб Апатин организує на спомин свого предчасно умерлого голмана. Кромє домацей екипи Апатина и Сивца, на турниру участвую и бачкопаланацки Лавови, як и Дервента з Босни и Герцеґовини. Гандбалєри Сивца од 17 годзини буду мац за противнїка екипу Дервенти, а од резултату того сусриту будзе зависиц, чи буду грац финале алє утакмицу за треце место.

Нїч менєй интересантне нє будзе анї на кошаркарских теренох.

У 13. колу првенства у Першей регионалней лиги Сербиї на програму є дерби сезони, бо у Сомборе ше стретну ведущи Жокер и Гайдук з Кули. У дотерей часци сезони Жокер записал єденац побед и єдну поразу, а Гайдук ма дзесяц побед и два порази; обидва дружтва обезпечели пласман до плей-офу, алє сусрет є вельми значни, бо бодови зо взаємних утакмицох ше пренашаю до плей-оф групи. Тренер кошаркарох Гайдука Данило Борович наглашує же його дружтво є готове, комплетни идзе на мегдан Жокеру, алє без тлаку, бо домаци фаворит, а то є и додатни мотив за його вибраних, жеби зограли чим лєпшу утакмицу. Дуель кошаркарох Жокера и Гайдука будзе у Сомборе одграта завтра, а зачне ше о 17 годзини.

Кошаркарки Сивца у 13. колу першенства у Првей женскей регионалней лиги иду на гостованє к дружини Титела. Идзе о стречи дружинох приближно истей якосци, цо указує и їх положенє на табели, та можлїви кажди резултат. Стреча кошаркаркох Титела и Сивца будзе у Тителу одограна завтра, а зачне ше о 18 годзини.
Одбоєкари Гайдука у 14. колу првенства у Другей републичней лиги идза на гостованє до Кикинди. Доста повесц же Кикинда водзице дружство на таблици, та би було ясно хто фаворит. Алє, охрабрени вигров у предходним колу, одбоєкари Гайдука поведа же до Кикинди идза спробовац здумовац лидера. Змаганє одбоєкарох Кикинди и Гайдука у Кикинди будзе одогране завтра, зоз початком о 16 годзини. Одбоєкарки Гайдука у 10. колу првенства у Першей войводянскей лиги, у сусїдским змаганю, принимаю дружство Врбаса. Врбашанки водза на таблици, одбоєкарки Гайдука маю предносц домашнього терену и з очековану подшорку з трибунох спробую помешаци рахунок фаворитки. Змаганє одбоєкарок Гайдука и Врбаса у сали Основней школи „Петефи бригада“ будзе одогране вонедзельок, зоз початком о 19 годзини.

Кегляри Гайдука у одложеней утакмици 13. кола првенства у Першей войводянскей лиги у нєдзелю гостую у Бачкей Тополи, дзе од 11 годзин одмеря сили з дружтвом Еђшега.

Што ше тичи футболу, дружини з кулскей општини у приятельских стречох бруся форму и зограва тимох за футболне ярко. Так будзе и през викенд. Србсколигаш Гайдук 1912 завтра гостує у Бечею, дзе од 12 годзини зогра приятельску стречу з Бечејом. Някдашнї прволигаш Червенка у нєдзелю, од 14 годзини и 30 минути, на своїм терену у Червенки будзе хосциц дружину Нєгоша з Ловченца. Член Сомборскей подручней лиги Русин з Руского Керестура у нєдзелю од 14 годзини гостує ОФК Оджаком. Сивацки Полет през викенд зогра дві стречи. Найперей завтра буде гостом у Бачком Добром Полю и зогра стречу з Сутєском, а потим у нєдзелю у Сивцу буде хосциц дружину Джурджина. Обидва стречи зачну о 14 годзини. Подручни лигаш Липар у нєдзелю од 12 годзини дома прийму Искру з Куцури. У нєдзелю у Крушчичу од 14 годзини и 30 минути стречу ше домаца Младосц и Кула.

Ђ.Боянич